ગુજરાતમાં આવેલ પ્રસિધ્ધ ધોધ - જમજીર ધોધ, ગીરમાળ ધોધ, ઝાંઝરી ધોધ, નિનાઇ ધોધ, હથની ધોધ, ઝરવાની ધોધ અને અન્ય ધોધની માહીતી નીચે જણાવેલ છે.
- ધોધ એટલે કે પાણીનો ઉપરથી નીચે પડતો આ પ્રવાહ. પ્રવાહ પ્રકૃતિનો સૌથી સુંદર અને અદભુત જોવાલાયક નજારો છે.
- પાણીના ધોધને જોઇએ ત્યારે પ્રકૃતિની સુંદરતાનો અનુભવ થાય છે. ઘણા ધોધો એવા છે, જેમાં પાણી વહેતું જોતું તે પણ ભાગ્યે જ બને છે, ત્યારે વરસાદની સિઝનમાં ત્યા પાણી વહેતું જોઇ શઓ છો.
ગુજરાતમાં આવેલ પ્રસિધ્ધ ધોધ - જમજીર ધોધ, ગીરમાળ ધોધ, ઝાંઝરી ધોધ, નિનાઇ ધોધ, હથની ધોધ, ઝરવાની ધોધ
જમજીર ધોધ
- જમજીર ધોધ જૂનાગઢ પાસે જામવાલા ગામમાં આવેલો છે.
- જમજીર ધોધ 40 ફૂટની ઊંચાઇ પર આવેલો છે. જમજીર ધોધનું પાણી શિંગોડા નદીમાં વહે છે.
ગીરમાળ ધોધ
- રાજ્યનો સૌથી ઊંચો ગીરમાળા ધોધ ડાંગમાં સુબીરથી શિંગાણા જતા રોડ ઉપર આવેલો છે. તેની ઊંચાઇ 120 ફૂટ છે,
- સુબીર તાલુકાનું છેલ્લું ગામ એટલે ગીરમાળ.
- તે પૂર્ણા અભયારણ્ય વિસ્તારમાં આવેલું છે.
- જૂનથી ડિસેમ્બર સુધી ગીરમાળ ધોધ ચાલુ રહે છે.
- 1 લાખથી વધુ લોકો દર વર્ષે આ ધોધની મુલાકાત લે છે.
- સોનગઢ-સુરત તરફ્થી ગીરમાળ, શબરીધામ અને માર્ગમાં આવતા હોવાથી લોકો આ તમામ સ્થળો ઉપર ઊમટી પડે છે.
- આ વિસ્તારમાં દુર્લભ પક્ષીઓ, ખાસ કરીને ઘુવડની અલાયદી પ્રજાતિ પણ જોવા મળે છે.
ઝાંઝરી ધોધ
- અમદાવાદથી 60 કિમી. દૂર આવેલો નાનો ઝાંઝરી ધોધ અને ઝરણું ખૂબ જ સુંદર દેખાય છે.
- આ સ્થળ વરસાદની સિઝનમાં પ્રકૃતિની સુંદરતાનો પરિચય કરાવે છે.
નિનાઈ ધોધ
- નર્મદા જિલ્લામાં નર્મદા નદી પર જોવા મળતો નિનાઈ ધોધ અહીંનું આકર્ષણનું કેન્દ્ર બને છે.
- આ સ્થળની આસપાસ સુંદર જંગલો આવેલાં છે, તેમાં 30 ફૂટથી વધારે ઊંચો ધોધ પ્રકૃતિની સુંદરતામાં વધારો કરે છે.
હાથની ધોધ
- વડોદરા શહેરથી 70 કિમી. દૂર આવેલો અને જાંબુધોડાથી 12 કિમી. દૂર હથની ધોધ આવેલો છે.
- જાંબુધોડા અભયારણ્યમાં વનસ્પતિ, પ્રાણીસૃષ્ટિ, ખીણો, હૂંફાળાંં જંગલો અને અહીં આવેલો હથની ધોધ આ સ્થળને વધારે સુંદર બનાવે છે.
ઝારવાની ધોધ
- વડોદરા શહેરના થાવડિયા ચેકપોસ્ટથી ઝારવાની ધોધ 7 કિલોમીટર દૂર આવેલો છે. અહીંંશૂલપાણેશ્વર વન્યજીવન અભયારણ્યથી અંદર આવેલું છે. પશુઓ, પક્ષીઓ અને છોડની ઘણી પ્રજાતિઓનું અભયારણ્ય ઘર બની ગયુંં છે.
અન્ય ધોધ
- કુનિયા મહાદેવ ધોધ : પાવાગઢ (પંચમહાલ)
- મચ્છુ ધોધ : મોરબી
- બરડા ધોધ : ચંખાઇ (આહવા, ડાંગ)
- જોડિયા ધોધ : બિલપુડી (ધરમપુર)
- શિવ ધોધ : આહવા
- ચીમર ધોધ : સોનગઢ (તાપી)
- શંકર ધોધ : વિલ્સન ટેકરી (ધરમપુર)